8:36 AM
Unknown
ភាពជាអ្នកប្រតិបត្តិតាមគន្លងនៃព្រះពុទ្ធសាសនា
កាលខ្ញុំរៀនថ្នាក់ទី៩ លោកគ្រូបង្រៀនមុខវិជ្ជាពលរដ្ឋវិទ្យា បានបង្រៀនឲ្យចេះសមាទាននិច្ចសីល តែមិនបានបង្ហាត់ឲ្យសូត្រពី ឧកាស អហំ ភន្តេ មកទេ គាត់បង្ហាត់ឲ្យរត់មាត់ តែនិច្ចសីលទាំង៥ មាន បាណាតិបាតា ជាដើម ។ ចាប់ពីពេលនោះមក ខ្ញុំចេះចាំ និងដឹងអំពីន័យសេចក្ដីមករហូត ។ ក្នុងគ្រានោះ លោកគ្រូបានបញ្ចុះបញ្ចូលទឹកចិត្តសិស្សទាំងឡាយឲ្យចង់ចេះចង់ដឹង និងស្រឡាញ់ព្រះធម៌ គ្រប់គ្នាខំរៀនសូត្ររត់មាត់នូវនិច្ចសីលទាំង៥ ដែលនិយមហៅថាសីល៥ដោយសេចក្ដីជ្រះថ្លា ។រហូតមកដល់ពេលនេះ បើទោះជាខ្ញុំមិនបានបួសជាសាមណេរ ហាត់រៀនព្រះធម៌ តែខ្ញុំនៅតែស្រឡាញ់រាប់អានចង់ចេះចង់ដឹង ពិសេសគោរពពុទ្ធោវាទអស់ពីដួងចិត្ត ។
និច្ចសីល ឬសិល៥ មាន៖
- បាណាតិបាតា វេរមណីសិក្ខាបទំ សមាទិយាមិ (ប៉ាណាតិប៉ាតា វេរ៉ៈម៉ៈណីសិកខាប៉ៈទាំង សៈម៉ាទិយាម៉ិ)
- អទិន្នាទានា វេរមណីសិក្ខាបទំ សមាទិយាមិ (អៈទិននាទានា វេរ៉ៈម៉ៈណីសិកខាប៉ៈទាំង សៈម៉ាទិយាម៉ិ)
- កាមេសុមិច្ឆាចារា វេរមណីសិក្ខាបទំ សមាទិយាមិ (កាមមេសុម៉ិចឆាចារ៉ា វេរ៉ៈម៉ៈណីសិកខាប៉ៈទាំង សៈម៉ាទិយាម៉ិ)
- មុសាវាទា វេរមណីសិក្ខាបទំ សមាទិយាមិ (មុសាវាទា វេរ៉ៈម៉ៈណីសិកខាប៉ៈទាំង សៈម៉ាទិយាម៉ិ)
- សុរាមេរយមជ្ជប្បមាទដ្ឋានា វេរមណីសិក្ខាបទំ សមាទិយាមិ (សុរ៉ាមេរ៉ៈយៈមាច់ជៈប៉ៈម៉ាទៈឋាណា វេរ៉ៈម៉ៈណីសិកខាប៉ៈទាំង សៈម៉ាទិយាម៉ិ)
- ខ្ញុំព្រះករុណា សូមសមាទាននូវសិក្ខាបទ គឺចេតនាជាហេតុវៀរចាកកិរិយាធ្វើសត្វមានជីវិតឲ្យធ្លាក់ចុះកន្លង គឺសម្លាប់សត្វ ។
- ខ្ញុំព្រះករុណា សូមសមាទាននូវសិក្ខាបទ គឺចេតនាជាហេតុវៀរចាកកិរិយាកាន់យកនូវវត្ថុដែលគេមិនបានឲ្យដោយកាយ ឬដោយវាចា ។
- ខ្ញុំព្រះករុណា សូមសមាទាននូវសិក្ខាបទ គឺចេតនាជាហេតុវៀរចាកកិរិយាប្រព្រឹត្តខុសក្នុងកាមទាំងឡាយ ។
- ខ្ញុំព្រះករុណា សូមសមាទាននូវសិក្ខាបទ គឺចេតនាជាហេតុវៀរចាកកិរិយាពោលនូវពាក្យកុហក ។
- ខ្ញុំព្រះករុណា សូមសមាទាននូវសិក្ខាបទ គឺចេតនាជាហេតុជាទីតាំងនៃសេចក្ដីប្រមាទ គឺផឹកនូវទឹកស្រវឹង គឺសុរា និងមេរ័យ ។
Posted in
0 comments :
Post a Comment