ឪវាទរបស់ព្រះពុទ្ធ ( សាសនា Religion )

​      ព្រះពុទ្ធសាសនា គឹជាដំបូន្មាន ឬ ឪវាទរបស់ព្រះសម្មាសម្ពុទ្ធ ។ ពុទ្ធោវាទនេះមានច្រើនសន្ធឹកសន្ធាប់ណាស់  ដូចជានៅក្នុងគម្ពីរបានបញ្ចាក់ថាមានរហូតដល់ ប្រាំបីម៉ឺនបួនពាន់ព្រះធម្មក្ខន្ធ ។ ក៏ប៉ុន្តែបើធ្វើការចោះស្រង់យកតែគោលសំខាន់ៗសំរាប់់ពុទ្ធបរិស័ទ្ធប្រតិបត្តិតាមនោះឃើញថា​មានត្រឹមតែ ៣​​ ប្រការ គឹៈ

       ១.  សព្វបាបស្ស  អករណំ      ការមិនធ្វើនូវអំពើបាបទាំងឡាយ  គឹវៀរចាក់ការប្រព្រឹត្តអំពើ
អាក្រក់ អំពើ ទុច្ចរិត ទាំងកាយ វាចា និងចិត្ត  ។
       ២. កុសលស្សូបសម្បទា    ឲ្យធ្វើនូវអំពើល្អប្រកបដោយសុច្ចរិត  គឹឲ្យខំសាងកុសលដោយឲ្យ ខំធ្វើសីល និង ធ្វើទាន  ។
       ៣. សចិត្តបរិយោទបនំ       ឲ្យជម្រះចិត្តឲ្យស្អាត់ផូរផង់   គឹឲ្យខំដុសខាត់ចិត្តឲ្យបានស្អាត់ល្អ ប្រាស់ចាកសៅហ្មង  មាន  លោភៈ  ទោសៈ  មោហៈ ជាដើម  ។